Þórunn ráðin skólastjóri Flóaskóla

Þórunn Jónasdóttir hefur verið ráðin skólastjóri Flóaskóla og mun hún taka við starfinu af Gunnlaugu Hartmannsdóttur sem hefur ráðið sig til starfa við Skóla- og velferðarþjónustu Árnesþings.

Þórunn starfar í dag sem skólastjóri Hörðuvallaskóla í Kópavogi og var áður aðstoðarskólastjóri og þar áður deildarstjóri og staðgengill skólastjóra skólans frá stofnun skólans árið 2006. Hún lauk meistaranámi í stjórnunarfræðum menntastofnana árið 2014 og B.Ed viðbótarnámi í stærðfræðikennslu árið 2007. Hún öðlaðist leyfisbréf til að starfa sem grunnskólakennari árið 1989 að afloknu B.Ed námi til kennararéttinda.

Þórunn er boðin hjartanlega velkomin til starfa við Flóaskóla.